O‘zbekiston tumanidagi kichik sanoat zonalarini yangi tashqi muhandislik-kommunikatsiya tarmoqlari bilan ta’minlash yuzasidan muayyan tadbirlar amalga oshirilmoqda. Xususan, tadbirkorlarga qulay yaratish maqsadida ayni kunlarda “Kichik Tagob” kichik sanoat zonasiga olib boruvchi yo‘lning 1000 metr qismi ta’mirlanib, asfalt qoplamasi yotqizilmoqda. Shuningdek, belgilangan rejaga muvofiq 1,7 mlrd so‘m mablag‘ evaziga ayni maskanda 1 dona toza ichimlik suvi inshooti barpo etilib, 1 km suv tarmog‘i ham tortiladi. Sanoat zonalarini tadbirkorlar uchun tom ma’noda qulay hududga aylantirish tadbirlari shu tarzda davom etmoqda.