Yozgi ta’til degani — zerikish, telefonga tikilish, vaqtni o‘ldirish emas. Ayniqsa, Qo‘shtepa tumanidagi maktab o‘quvchilari uchun! Tumandagi barcha umumta’lim maktablarida “Dolzarb 90” kunlik tadbirlar qizg‘in va jadal ruhda o‘tkazilmoqda. Har kuni – yangi to‘garak, yangi bellashuv, yangi taassurot! Kitobxonlik marafonlari, sport musobaqalari, ijodiy tanlovlar va qiziqarli o‘yinlar orqali yoshlarning bo‘sh vaqti nafaqat mazmunli, balki zavqli ham o‘tmoqda. Qayerga borsangiz, maktab hovlilarida kulgu, harakat va ijobiy energiya! Bu tashabbus yosh avlodni faollikka, sog‘lom hayotga va intellektual o‘sishga yetaklayotgani bilan chinakam dolzarb bo‘lib bormoqda. “Dolzarb 90” – nomigagina emas, mazmuni bilan dolzarb!