Xabar berilganidek, so‘nggi kunlarda mamlakatimiz, xususan, Farg‘ona viloyatida ham atmosfera havosidagi mayda dispersli zarrachalar miqdorining oshishi kuzatilmoqda. Viloyat hokimligi tomonidan chang miqdorini kamaytirishga qaratilgan amaliy chora-tadbirlar ko‘rilmoqda. Ayni paytda shahar va tuman hokimliklari, kommunal xizmatlar va mas’ul idoralar tomonidan ko‘cha va yo‘llarni namlash, yashil hududlarni qo‘shimcha sug‘orish, jamoat joylarini nam tozalash kabi ishlar amalga oshirilmoqda. Xususan, Farg‘ona shahrida bu ishlar tizimli yo‘lga qo‘yildi.