Qoʻshtepa tumanida zamonaviy talablarga javob beradigan “Ishonch” savdo markazining tantanali ochilish marosimi boʻlib oʻtdi. Tadbirda Qoʻshtepa tumani hokimi Anvarjon Abdullayev, nuroniy otaxonlar, mahalla faollari hamda keng jamoatchilik vakillari ishtirok etdilar. Yangi savdo markazining faoliyat boshlashi aholiga sifatli va qulay savdo xizmatlarini taqdim etish, shuningdek, tuman iqtisodiy salohiyatini yanada oshirishga xizmat qiladi. Markazda mahalliy ishlab chiqaruvchilar mahsulotlari uchun alohida raflar tashkil etilgan boʻlib, ushbu imkoniyat tadbirkorlar uchun ham qoʻshimcha ragʻbat boʻladi. Tadbir yakunida nuroniylar tomonidan duo qilindi va markaz oʻz faoliyatini rasman boshladi.