Qurbon hayiti munosabati bilan Qo‘shtepa tumani hokimi Anvarjon Abdullayev ijtimoiy himoyaga muhtoj va imkoniyati cheklangan farzandli oilalar xonadonlarida bo‘lib, ularning holidan xabar oldi. Tashrif chog‘ida hokim ushbu oilalarga bayram munosabati bilan oziq-ovqat mahsulotlari, kundalik ehtiyoj tovarlari va boshqa sovg‘alarni topshirdi. Shu bilan birga, ularning holati bo‘yicha ochiq muloqotlar o‘tkazilib, mavjud muammolarni joyida o‘rganish va bartaraf etish yuzasidan mas’ullarga tegishli topshiriqlar berildi. Mazkur tashrif Qurbon hayitining insoniylik va mehr-shafqat bayrami ekanini yana bir bor amalda ko‘rsatdi.