Alisher Navoiy nomidagi O‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazi Farg‘ona hududiy bo‘linmasi tomonidan iyun oyida Quvasoy shahar 2-umumtaʼlim maktabida tashkil qilingan o‘quv jarayonlarida ishtirok etayotgan umumtaʼlim maktablarining kadrlar bo‘yicha menejerlari bilan uchrashuv bo‘lib o‘tdi. Uchrashuv davomida "Davlat tili haqida"gi Qonun, O‘zbekiston Respublikasi Prezidentining 2019-yil 21-oktabr kungi PQ-5850-son Farmoni hamda o‘zbek tilining xalqimiz ijtimoiy hayotidagi mavqeyini tubdan oshirish borasida olib borilayotgan izchil islohotlar masalalarida fikr almashildi. Unda viloyat hokimining davlat tili masalalari bo‘yicha masalahatchisi S.Tongotarova, davlat tilida ish yuritish asoslarini o‘qitish va malaka oshirish markazi Farg‘ona bo‘limi rahbari N.Qo‘ldoshevlar ishtirok etdilar.