Bugun, muborak Qurbon hayiti munosabati bilan Qo‘shtepa tumanidagi barcha jome masjidlarida hayit namozi o‘qildi. Xususan, Muborak jome masjidida erta tongdan boshlab minglab fuqarolar to‘planib, jamoaviy ibodatda qatnashdilar. Tumandagi 15 ta jome masjidda bo‘lib o‘tgan hayit namozlarida umumiy hisobda 20 mingdan ziyod namozxonlar ishtirok etdi. Bu ulug‘ ayyomda yurtdoshlarimiz bir-birlarini bayram bilan tabriklab, tinchlik va totuvlik, mo‘l-ko‘lchilik tilab duolar qilishdi. Masjidlarda o‘tkazilgan bayram tadbirlarida Qurbon hayitining ma’naviy-axloqiy mazmuni, insonlar o‘rtasidagi mehr-oqibat va hamjihatlikni mustahkamlovchi jihatlari alohida ta’kidlandi. Qo‘shtepaliklar bugungi bayramni yuksak ruhda, mehr va baraka ila nisholamoqda.