29-umumiy o'rta ta'lim maktabida o‘tkazilgan “So‘nggi qo‘ng‘iroq” tadbirida tuman prokurori A.Xudoyberganov ishtirok etdi. Tadbirda tuman prokurori bitiruvchilarni ushbu hayajonli va tarixiy lahzalar bilan qutlab, Davlatimiz rahbari Sh.Mirziyoyevning umumiy o‘rta ta’lim maktablarining bitiruvchilariga yo‘llagan bayram tabrigini o‘qib eshittirdi. Bayram tadbirida fidoiy ustozlar va namunali xulqi va odobi bilan tengdoshlariga o‘rnak bo‘lgan o‘quvchilar tuman prokurorining tashakkurnomasi hamda esdalik sovg‘alari bilan taqdirlandilar. Shuningdek, o‘quvchilar tomonidan ijro etilgan kuy-qo‘shiqlar yangradi. Tantanada ota-onalar, mehmonlar bitiruvchilarni tabriklab, ularga ta’lim–tarbiya bergan ustozlarga minnatdorchiliklarini bildirdilar.