Bugun Qoʻshtepa tumani tibbiyot birlashmasida soha masʼullari ishtirokida davlat tilida ish yuritish va imlo qoidalari toʻgʻrisida seminar - oʻquv oʻtkazildi. Barchamizga maʼlumki mamlakatimiz ijtimoiy hayotining barcha sohalarida, jumladan, tibbiyot sohasida ham davlat tilining imkoniyatlaridan toʻliq va toʻgʻri foydalanishga erishish, davlat tili qoidalarining buzilishi bilan bogʻliq holatlarni muntazam va har tomonlama oʻrganish, ularni bartaraf etishga doir chora-tadbirlarni ishlab chiqish va uning ijrosini taʼminlash bugungi kunimizning eng muhim talablaridan biri hisoblanadi. Bugungi oʻquvda soha masʼullari tomonidan amalga oshirilayotgan ishlar tahlil qilinib, yoʻl qoʻyilgan xato va kamchiliklarni bartaraf etish tartiblari tushuntirildi. Tadbirda Fargʻona viloyati hokimining davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi S.A.Tongotarova ishtirok etdi.