“Китобхонлик ҳафтаси” доирасида мактаб ва мактабгача таълим ташкилотлари директорларидан ташкил топган жамоалар ўртасида “Заковат” интелектуал ўйини бўлиб ўтди. 28-ДМТТда ташкилланган ,,Заковат" интелектуал тадбирида вилоят ҳокими маслаҳатчиси Соҳибжамол Тонготарова, туман ҳокими ўринбосари Шероз Мирзалиев, АКМ раҳбари Мусожон Оҳунов, Фарғона шаҳар ҳамда туман ҳокими маслаҳатчилари иштирок этдилар. Қизиқарли, мантиқий, ақлни пешловчи саволларга бой ўйин жамоалар ўртасида муросасиз кечди. Айниқса, 2-ўрин учун кураш жуда шиддатли кечди. Якунда кучлилар ўз сўзини айтди. Ғолиб жамоалар аниқланди. Якуний натижага кўра, 1-ўрин Саид Аҳмад, 2-ўрин Тоҳир Малик, 3-ўрин ал-Фарғоний жамоаларига насиб этди. Ғолибларга ташкилотчиларнинг фахрий ёрлиқ ва эсдалик совғалари топширилди.