Prezident Shavkat Mirziyoyev rahbarligida Oʻqituvchi va murabbiylar kuni munosabati bilan tantanali tadbir boʻlib oʻtdi. Davlat rahbari tadbir avvalida oʻz umrini yosh avlodga taʼlim-tarbiya berishdek ulugʻ va sharafli ishga bagʻishlab kelayotgan barcha ustoz va murabbiylarni samimiy tabriklab, ularga chuqur hurmat va ehtiromini izhor etdi. Qoʻshtepa tumanida ham "Yangi Oʻzbekiston tayanchisiz, aziz ustozlar!" shiori ostida bayram tadbiri tashkil etildi. Unda taʼlim tizimida koʻp yillar samarali mehnat qilayotgan oʻqituvchi va murabbiylar faol ishtirok etdilar. Prezident raisligidagi videomuloqot Qoʻshtepa tumanida ham soha vakillari tomonidan katta qiziqish va diqqat bilan kuzatildi. Uchrashuvdan soʻng tumandagi “Afsona” majmuasida taʼlim tizimi xodimlari uchun bayram tadbiri oʻtkazildi. Tadbirda tuman hokimi Anvarjon Abdullayev ishtirok etib, barcha ustoz va murabbiylarni O‘qituvchi va murabbiylar kuni bilan samimiy tabrikladi.