Xalq deputatlari Qoʻshtepa tumani Kengashining 11-sessiyasi boʻlib oʻtdi Sessiyada tuman hokimi Anvarjon Abdullayev, tuman Kengashi deputatlari, tuman hokimining tegishli o‘rinbosarlari, kun tartibiga kiritilgan masalalarga aloqador davlat tashkilotlari rahbarlari ishtirok etdilar. Sessiyada quyidagi masalalar koʻrib chiqildi: Oʻzbekiston Respublikasi Prezidenti Sh.M. Mirziyoyev raisligida 2025-yil 9-sentyabr kuni oʻtkazilgan videoselektor yigʻilishida belgilangan vazifalarning ijrosini ta’minlash, jamoatchilik fikri asosida shakllantirilgan loyihalarni tanlab olish va “Fuqarolar tashabbusi jamgʻarmasi” mablagʻlari hisobidan gʻolib loyihalarni moliyalashtirish, tumandagi zaxira va imkoniyatlardan samarali foydalangan holda hududlarni rivojlantirish va aholi bandligini oshirish maqsadida ishlab chiqilgan drayver loyihalarni moliyalashtirish. Sessiya yakunida koʻrib chiqilgan har bir masala yuzasidan xalq deputatlari tuman Kengashining tegishli qarorlari qabul qilindi.