Basketbolchi qizlarimizdan quvonarli yangilik! Sportning basketbol turi bo‘yicha Belarus Respublikasining Minsk shahrida MDH davlatlari o‘rtasida o‘tkazilgan xalqaro musobaqaning saralash bosqichi bo‘lib o‘tdi. Mazkur musobaqada basketbolning 3x3 yo‘nalishida O‘zbekiston terma jamoasi ham ishtirok etdi. Eng quvonarlisi shundaki, O‘zbekiston terma jamoasi tarkibida Qo’shtepa tumanidagi 15-maktabda tahsil oladigan 11-"A" sinf o‘quvchisi Ortiqova O‘g‘iloy ham Vatanimiz sharafini munosib himoya qilib, milliy jamoamizning sovrindor bo‘lishiga munosib hissa qo‘shdi.