Joriy yilda Qo‘shtepa tumanidagi 144 ta fermer xo‘jaliklari tomonidan 6400 gektar maydonga chigit ekilib, 27200 tonna paxta topshirish bo‘yicha shartnoma imzolangan. Erta bahordan fermer dalasida qilingan mehnat samarasi ko‘zga tashlanib, paykallarda paxtalar ochildi. Tuman hokimi A.Abdullayev joriy yil hosili uchun g‘o‘za ekilgan maydonlarda bo‘lib, amalga oshirilayotgan agrotexnik tadbirlar bilan tanishdi. Jumladan, joriy yil hosili uchun paxta ekilgan maydonlarda agrotexnik tadbirlarni o‘z vaqtida amalga oshirish, tomchilatib sug‘orish texnologiyalaridan samarali foydalanish yuzasidan mutasaddi rahbarlarga tegishli topshiriq va ko‘rsatmalar berildi.