O‘zbekiston Respublikasi Prezidenti Shavkat Mirziyoyev rahbarligida o‘tkazilgan “Meva-sabzavot va oziq-ovqat mahsulotlari eksportini ko‘paytirishda yangi zaxira va imkoniyatlarni ishga solish” mavzusidagi videoselektor yig‘ilishida berilgan topshiriqlar ijrosini ta’minlash maqsadida, Qo‘shtepa tumani hokimi A.Abdullayev hududlarda bo‘lib, tumanda faoliyat yuritayotgan eksportchi tadbirkorlar bilan uchrashdi. Muloqot davomida qishloq xo‘jaligi maxsulotlari eksporti buyicha eksportyor korxonalarning muammolari o‘rganildi. Jumladan, “Qumtepa” MFY hududidagi "Green park products" MCHJ va “O‘qchi” MFY hududidagi " Yangi Farg‘ona meva eksport" MCHJ hamda "SMM-82" MCHJlarda tadbirkorlarning taklif va muammolari o‘rganilib, ularni amaliy hal etish bo‘yicha tegishli mutasaddilarga aniq topshiriqlar berildi.