Aholining go‘sht va sut mahsulotlariga bo‘lgan talab va ehtiyojini qondirishda chorvachilik tarmog‘i o‘rni beqiyos. Bunda naslli qoramollar parvarishi faoliyati yetakchi o‘rinni egallaydi. Shu bois, fermerlar tomonidan naslchilik ishlari sifatini oshirishga e’tibor qaratilmoqda. Aholi orasida nasldor qoramol zotlarini ko‘paytirish, ularni sanoat usulida parvarishlashga qiziqish kuchaymoqda. Qo‘shtepa tumanidagi “Yoqub ota” fermer xo‘jaligi a’zolari ham ayni soha rivojiga salmoqli hissa qo‘shayotgan mirishkorlardan. Chorvachilikda naslchilik ishini yaxshilash maqsadida amalga oshirilayotgan loyihalar samarasi o‘laroq aholini sifatli va arzon go‘sht va sut mahsulotlari bilan ta’minlash maqsadida “Yoqub ota” fermer xo‘jaligiga xorijiy kredit liniyasi orqali 1-bosqichda 100 bosh naslli qoramollar keltirildi.