Qo‘shtepa tumanida 27 iyun – Matbuot va ommaviy axborot vositalari xodimlari kuni munosabati bilan bayram tadbiri bo‘lib o‘tdi. Unda viloyatimiz va tumanimizda faoliyat yuritayotgan ommaviy axborot vositalari xodimlari, faxriy jurnalistlar ishtirok etishdi. Tadbirda ishtirok etgan tuman hokimi o‘rinbosari Axrorjon Yunusov soha fidoiylarini kasb bayrami bilan samimiy qutladi. Bayram munosabati bilan bir guruh faxriylar va soha fidoiylari tuman hokimligining tashakkurnoma va esdalik sovg‘alar bilan taqdirlandi.