Dang‘ara tumani Taypoq MFYda tuman tibbiyot birlashmasi tomonidan aholi uchun chuqurlashtirilgan bepul tibbiy ko‘rik tashkil etildi. Tibbiy ko‘rik davomida mutaxassislar tomonidan ijtimoiy ko‘makka muhtoj aholi, jumladan, xotin-qizlar, nogironligi bo‘lgan shaxslar va bolalarning davolanishlari uchun qonunchilikda belgilangan imtiyozlar, sog‘lom turmush tarziga amal qilish borasida ma’lumot va tavsiyalar berildi. Ehtiyojmand oilalar vakillari, xotin-qizlar va bolalar jarrohi, ginekolog, pediatr, oftolmolog, nevrapatolog, kardiolog, endokrinolog tomonidan chuqurlashtirilgan tibbiy ko‘rikdan o‘tkazildi. Tibbiy ko‘rik natijasida kasalligi aniqlangan fuqarolarga zarur tavsiyalar berildi, kam ta’minlangan, ijtimoiy ko‘makka muhtoj ayollar va bolalarga bepul davolanishlari uchun yo‘llanmalar olishda ko‘maklashildi.