Janubiy Koreyaning “AHA Co., Ltd” kompaniyasi Farg‘ona shahrida yangi istiqbolli loyihani amalga oshirishni boshladi. Farg‘ona viloyati hokimi Xayrullo Bozorov boshchiligidagi delegatsiyaning o‘tgan yilgi Koreya safarida erishilgan kelishuvlar asosida bugun Farg‘ona shahar hokimi Vosiljon Nazarov va Eltech Industrial texnoparki rahbari I. Nabiev kompaniya rahbari Kу Gi Don bilan uchrashdi. Muzokaralar yakunida ta’lim sohasiga mo‘ljallangan smart doskalar va boshqa zamonaviy texnologiyalar ishlab chiqarish bo‘yicha 20 million dollarlik investitsiya jalb etish yuzasidan memorandum imzolandi va ishlarni boshlab yuborish bo‘yicha kelishuvga erishildi.