Tizimdagi mehnatkashlar, ayniqsa yoshlar va xotin-qizlarni sog‘liklarini muhofaza qilish, tiklash orqali mehnat faolliklarini oshirish maqsadida O‘zbekiston metallurgiya va mashinasozlik sanoati tarmoqlari xodimlari kasaba uyushmasi Respublika Kengashi tomonidan tizimdagi korxona, tashkilot va muassalar xodimlari o‘rtasida an’anaviy ravishda sportning oltita turi bo‘yicha tarmoq spartakiadasi o‘tkazilib kelinmoqda. O‘zbekiston Respublikasi kasaba uyushmalari harakatining 120 yilligi, O‘zbekiston mustaqilligining 34 yilligi munosabati bilan tarmoqning viloyat bo‘linma kengashi tizimidagi tashkilotlar o‘rtasida Respublika Kengashi VI-tarmoq spartakiadasining viloyat bosqichi o‘tkazildi. Sportning mini futbol, shaxmat-shashka, stol tennisi, suzish va darts turlarini o‘z ichiga olgan musobaqalarda 100 nafardan ortiq ishtirokchilar qatnashdi. Qo‘shtepa tumani davlat muassasalari va jamoat xizmati xodimlari kasaba uyushmasi, tuman fan va ma’orif xodimlari kasaba uyushmasi kengashi bilan hamkorlikda o‘tkazilgan musobaqada g‘oliblar diplom va esdalik sovg‘alari bilan taqdirlandilar. Shuni takidlash joizki ushbu musobaqalarda Qo‘shtepa tumanidagi “Universal plyus” MCHJ jamoasi ham faol ishtirok etib, jamoaning ikki nafar a’zolari faxrli 2-o‘rinni qo‘lga kiritishdi.