Belgilangan media rejaga ko‘ra Qo‘shtepa tumani hokimligining majlislar zalida tuman hokimining o‘rinbosari A.Yunusov rahbarligida hokim yordamchilari tomonidan aholi bandligini ta’minlash borasida amalga oshirilayotgan ishlar yuzasidan ochiq muloqot tashkil etildi. Tadbirda mahallalardagi hokim yordamchilari, tegishli korxona, tashkilot va muassasa rahbarlari ishtirok etdi. Ochiq muloqot davomida hokim yordamchilari tomonidan tumanda amalga oshirilayotgan o‘zgarishlar, tashkil etilayotgan yangi ish o‘rinlari, aholi turmush sharoitlarini yanada yaxshilash borasida yaqin istiqboldagi rejalar xususida to‘xtalib o‘tildi. Shuningdek, hokim yordamchilari tomonidan joriy yilda mahallada aholi bandligini ta’minlash va yangi ish o‘rinlarini yaratish borasidagi amalga oshirilgan ishlar taxlil qilib o‘tildi. Ochiq muloqot davomida hokim yordamchilarining takliflari va mavjud murojaatlari ham ko‘rib chiqilib, ularni ijobiy hal etish choralari belgilab olindi.