Qo‘shtepa tumani hokimi Anvarjon Abdullayev “Qoraqushchi” MFY hududida joylashgan 46-umumiy o‘rta ta’lim maktabida sayyor qabul o‘tkazdi. Qabulda tuman rahbarlari, shuningdek, korxona va tashkilotlarning mas’ullari ishtirok etdilar. Qabul davomida 10 nafardan ziyod fuqarolarning turli yo‘nalishlardagi murojaatlari ko‘rib chiqildi. Barcha murojaatlar tegishli tartibda ro‘yxatga olinib, yechimi topilgan murojaatlar joyida hal etildi va ayrim murojaatlar huquqiy maslahat va tushunchalar bilan qoniqtirildi. Muddat talab etiluvchi murojaatlar esa hal etish uchun tegishli mutasaddilarga biriktirilib, nazoratga olindi.