MyGov.uz ilovasi orqali bepul taqiq qo‘ysangiz, Sizning nomingizga birov ruxsatsiz kredit rasmiylashtira olmaydi! Nomingizga firibgarlar tomonidan kredit rasmiylashtirilishidan xavotirdamisiz? Endi bu xavfning oldini olish juda oson: GooglePlay yoki AppStore orqali MyGov ilovasini yuklab oling. MyID orqali pasport raqami va tug‘ilgan kuningizni kiritib, shaxsingizni tasdiqlang. "Kredit bitimini tuzishga taqiq qo‘yish" xizmati (havola)ni tanlang va faollashtiring. 📌 Xizmatdan foydalanish mutlaqo bepul! Ushbu xizmatni faollashtirib qo‘ysangiz, Sizning nomingizga hech kim kredit rasmiylashtira olmaydi. Faollashtirilgan taqiq haqidagi ma’lumotlar **"Kredit bitimi tuzishi taqiqlangan shaxslar reestri"**ga kiritiladi. Bu esa banklar va moliyaviy tashkilotlar tomonidan Sizga kredit berilishiga yo‘l qo‘ymaydi. ❗️Ushbu muhim xizmatdan qanday foydalanish bo‘yicha videoqo‘llanmani tomosha qiling, o‘zingiz va yaqinlaringizni firibgarlikdan himoya qiling! Faridun Mastonov – So‘x tumani adliya bo‘limi Davlat xizmatlari markazi bosh mutaxassisi