9 may – Xotira va qadrlash kuni munosabati bilan Qo‘shtepa tumani hokimi, tuman prokurori, tuman IIB boshlig‘i, Mudofaa bo‘limi boshlig‘i hamda mutasaddilar ishtirokida tumandagi front orti zahmatkashlari hozirda keksalik gashtini surayotgan nuroniy otaxonlar va onaxonlar holidan xabar olindi. Sana munosabati bilan nuroniylarimiz samimiy qutlanib, 29 nafar front orti mehnat faxriylariga “Ikkinchi jahon urushidagi g‘alabaning 80 yilligi” yubiley medallari va 3 mln. so‘mdan pul mablag‘lari tantanali ravishda topshirildi. Uchrashuvda urush yillari qiyinchiliklari yodga olindi. Nuroniylarimiz duoga qo‘l ochib, tinchligimiz va osoyishtaligimiz boqiy bo‘lishini tiladi.