Qo‘shtepa tumani “Qumtepa” mahallasida yashovchi Munojatxon To‘xtasinova 25 yildan buyon milliy ko‘rpa to‘shaklarimizni tikish bilan shug‘ullanib kelayotgan edi. Bankdan olingan imtiyozli kredit Munojatxonning 25 yillik ish uslubini o‘zgartirdi. U mahalla hokim yordamchisining tavsiyasiga ko‘ra “Har bir oila tadbirkor” dasturi asosida 20 million so‘m kredit olib, ish faoliyatini kengaytirdi. Avval yolg‘iz o‘zi ish olib borayotgan bo‘lsa, endilikda usta shogird an’anasini davom ettirib kelmoqda. Hunarmad ayol hozirda mahalla hududidagi 15 nafardan ortiq qo‘shni ayollarga o‘z hunarini o‘rgatib kelmoqda. Ular tayyorlayotgan ko‘rpa to‘shaklarning bozori ham chaqqon bo‘lmoqda.