Xonadonda tomorqalardan foydalanishning samarali usullaridan biri issiqxonalar tashkil etish hisoblanadi. Bu orqali yaxshigina daromad hamda yiliga 2-3 marta hosil olish mumkin. Hatto, oila a’zolaridan tashqari, qo‘shimcha bir necha kishini ish bilan ta’minlash imkoniyati ham bor. “Shahartepa” mahallasida istiqomat qiluvchi Abdisattor Xusanovning tomorqasida 3 sotix issiqxona mavjud. Hozirgi kunda bu yerda ichki bozor uchun pomidor yetishtirilmoqda. Xonadon sohibi bahorgi dehqonchilikning o‘zidan 22-25 million so‘m daromad olishini hamda issiqxona oila uchun daromad manbai bo‘layotganini ta’kidladi.