Qo‘shtepa tumani hokimi A.Abdullayev bir qator mahallalarda bo‘lib, yangi bunyod etilayotgan ijtimoiy soha ob’yetlaridagi qurilish ishlarining borishini o‘rgandi. Xususan, tuman rahbari “Qiyqi” mahallasi hududidagi xususiy klinika, “Shomirza” mahallasidagi chim ustida hokkey stadioni hamda “Quvurboshi” mahallasi binosining qurilish jarayonlari bilan tanishdi. O‘rganishlar davomida tuman rahbari qurilishi davom etayotgan ob’yektlardagi ishlarni jadallashtirish, qurilish ishlarini o‘z vaqtida, sifatli yakunlash zarurligi bo‘yicha tegishli mutasaddilarga vazifalar belgilab berdi.