O‘zbekiston Respublikasi Vazirlar Mahkamasining 2024-yil 31-may kungi №313-sonli “Temir daftar” orqali ijtimoiy xizmat va yordam ko‘rsatish hamda “Saxovat va ko‘mak” jamg‘armasi mablag‘larini shakllantirish va ulardan foydalanish tartibini takomillashtirish to‘g‘risida”gi qaroriga asosan Qo‘shtepa tumanida “Saxovat va ko‘mak jamg‘armasi”dan jami 1956498000 ming so‘m mablag‘ shakllangan. Joriy yilning birinchi choragida “Saxovat va ko‘mak” jamg‘armasiga 789 ta ariza kiritilgan bo‘lib, shundan 332 tasi skoring tizimidan muhtoj emas deb topildi. Ularning 117 tasi jarayonda bo‘lsa, 350 tasi ijobiy hal etildi. Jamg‘arma mablag‘lari hisobidan 350 nafar fuqarolarga 406855500 so‘m mablag‘lar ajratildi. Shundan 197 nafar og‘ir ijtimoiy vaziyatga tushib qolgan oilalar uchun 68864000 so‘m oziq-ovqat mahsulotlariga, 26 nafar davolanishga muhtoj fuqarolarga 131228500 so‘m, 120 nafar dori-darmonga ehtiyoji bo‘lgan fuqarolarga 188138000 so‘m, 5 nafar kiyim-kechak va zaruriy tovarlarga muhtoj fuqarolarga 6625000 so‘m, 2 nafar yakka yolg‘izlarni uy-joyini moslashtirish uchun 12000000 so‘m moddiy yordamlar ajratildi.