Qo‘shtepa tumanidagi 26-DMTTda “Alla sehri” ko‘rik tanlovining tuman bosqichi o‘tkazildi. Davlat maktabgacha ta’lim tashkilotlarida Ma’naviy – ma’rifiy ishlar samaradorligini oshirish, milliy qadriyat va an’analarimizni e’zozlash, muassasalarda faoliyat yuritayotgan tarbiyachilarning nutq madaniyati hamda notiqlik san’atini o‘stirish, ona tilimizga bo‘lgan cheksiz hurmatlarini yanada sayqallash maqsadida tashkil etilgan ushbu tanlovning quyi bosqichlarida g‘oliblikni qo‘lga kiritgan 11, 31, 26 hamda 42-DMTTlarining tarbiyachilari o‘zaro bellashdilar. Tanlov yakunida g‘olib va ishtirokchilarga tadbir tashkilotchilari tomonidan tayyorlangan tashakkurnoma hamda esdalik sovg‘alari topshirildi.