Qo‘shtepa tumanidagi 49 ta mahallada ham bugun erta tongdanoq hashar ko‘tarinki kayfiyatda boshlandi. Tumandagi mahalla faollari, yoshlar, nuroniylar, korxona va tashkilotlar xodimlari bir tanu bir jon bo‘lib hasharda qatnashmoqdalar. Tadbir davomida ko‘chalar, ziyoratgohlar hamda qabristonlar tozalanib, tartibga keltirilmoqda. Shu bilan birga, yangi daraxt va gul ko‘chatlari o‘tqazilib, mavjud yashil hududlar yanada chiroyli ko‘rinishga ega bo‘lmoqda. Shuningdek, ijtimoiy himoyaga muhtoj oilalar va yolg‘iz keksalar holidan xabar olinib, ularning uy ishlariga ko‘maklashildi. Birdamlik va mehr-oqibat ruhida o‘tayotgan mazkur xayriya tadbiri aholi qalbida bayramona kayfiyat uyg‘otib, yurtimiz mustaqilligining 34 yilligiga munosib tuhfa bo‘lmoqda.