Xabaringiz bor, ayni kunlarda viloyatimiz hokimi X.Bozorov boshchiligidagi viloyat delegatsiyasi Xitoy Xalq Respublikasida xizmat safarida bo‘lib turibdi. Qo‘shtepa tumani hokimi o‘rinbosari B.Taniqulov boshchiligidagi tuman delegatsiyasi a’zolari ham Xitoydagi kompaniyalarning faoliyatlari bilan tanishib, istiqbolli loyihalar bo‘yicha muzokaralar o‘tkazmoqdalar. Xususan, Shinjon Urumchi iqtisodiy va texnologik rivojlanish zonasi boshqaruv qo‘mitasi va Qo‘shtepa tumanida faoliyat ko‘rsatuvchi “Qo‘ziboy Fayz Savdo” MCHJ o‘rtasida mebel sanoatni rivojlantirish yo‘nalishida 7,0 mln dollar miqdoridagi hamkorlik shartnomasi imzolandi.