8 mart - Xalqaro xotin-qizlar kuni bayrami oldidan uzoq yillar mobaynida turli sohalarda o‘zining mashaqqatli mehnatlari bilan Qo‘shtepa tumanining ijtimoiy-iqtisodiy hayotiga o‘zining munosib hissasini qo‘shgan nuroniylar va mehnat faxriylari xolidan xabar olindi. Tuman hokimi A.Abdullayev va mas’ullar tumanimizdagi mahalla fuqarolar yig‘inlarida istiqomat qilib kelayotgan onaxonlarning xonadonlariga tashrif buyurib ularga viloyat hokimi Xayrullo Bozorovning bayram tabriklarini o‘qib eshittirdi hamda bayram sovg‘alarini taqdim etdi. Duogo‘larimiz ko‘rsatilayotgan bunday yuksak e’tibordan mamnun bo‘lib, elu yurtimiz tinchligi, xalqimiz farovonligi abadiy bo‘lishini tilagan xolda duoga qo‘l ochdilar.