Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
27 iyun — Matbuot va ommaviy axborot vositalari xodimlari kuni munosabati bilan Qo‘shtepa tumani hokimi Ilyosbek Novikovning bayram tabrigi
2023-07-05 09:55:15 268
Hurmatli qalam sohiblari! Sizlarni 27 iyun – Matbuot va ommaviy axborot vositalari xodimlari kuni munosabati bilan samimiy muborakbod etib, inson qadri, yurt manfaati, vatan taraqqiyotini yuksaklarga ko‘tarish yo‘lidagi mas’uliyatli va sharafli faoliyatingizda muvaffaqiyatlar tilayman.
Muhtaram Prezidentimiz Shavkat Mirziyoyevning “Haqiqatan ham, har qanday murakkab sharoitda ham adolat tamoyiliga, o‘zining hayotiy va ijodiy prinsiplariga sodiq qolish, odamlarni qiynayotgan kamchilik va muammolarni dadillik bilan ko‘tarib chiqish, ularni bartaraf etish uchun jamoatchilik fikrini shakllantirishga, avvalo, sizlar kabi ma’naviy jasorat egalarigina qodir bo‘ladi”, – deya bildirgan fikrlari Siz qalam ahliga bo‘lgan yuksak e’tiborning ifodasidir.
El-yurt manfaati va Vatanimiz salohiyatini bundan-da yuksaklarga ko‘tarish yo‘lidagi mas’uliyatli ishlaringizda yangidan-yangi zafarlar tilaymiz. Siz sharafli kasb egalariga doimo g‘ayrat, kuch va shijoat hamroh bo‘lsin!
