Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
QO‘SHTEPADA NAVRO‘Z SAYLI
2023-03-21 19:54:33 106
Yangilanish va yasharish ayyomi – Navro‘z umumxalq bayrami munosabati bilan Qo‘shtepa tumani markazida, mahalla guzarlarida bayram tadbiri hamda milliy taomlar tayyorlash va aholiga tarqatish tadbirlarini tashkil etildi.
“Har kuning Navro‘z bo‘lsin, jonajon O’zbekistonim!” shiori ostida o‘tkazilgan bayram tadbirlarida tuman hokimi I.Novikov va tuman sektorlari rahbarlari ishtirok etdilar.
Birgina Qiyqi mahalla fuqarolar yig‘ini hududidagi Madaniyat markazi sahnida, ochiq havoda o‘tkazilgan tadbirda 300 nafarga yaqin fuqarolar ishtirok etishdi. Shuningdek, 11 ta mahalla guzarlarida tashkil etilgan bayram tadbirlarida esa 3000 nafarga yaqin fuqarolar uchun bayram dasturxonlari yozilib, bahoriy milliy taomlar tayorlandi.
O’tkazilgan tadbirlar davomida 380 kilogram osh damlanib bayram dasturxoniga tortildi hamda 250 nafar kam ta’minlangan, ehtiyojmand va yakka yolg‘iz yashovchi oilalarga tarqatildi.
Ushbu tadbirlarda Qo‘shtepa tumanidagi mehnat faxriylari, nuroniy otaxon va onaxonlar ham ishtrok etdilar. Bayram so‘ngida nuroniylar yurt tichligi va farovonligi uchun duoga qo‘l ochdilar.
Navro‘z sayrlarida xushovoz xonandalar tomonidan tayyorlangan bayram kontserti, xalq o‘yinlari, musobaqalar va ko‘rgazmali chiqishlar ishtirokchilarda katta taassurot qoldirdi.
