Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
ESHONGUZARLIK ONALARGA EHTIROM KO‘RSATILDI
2022-05-31 22:27:39 151
Bugun Qo‘shtepa tumanida navbatdagi “Yangi O’zbekiston – inson qadri ulug‘langan yurt” shiori ostidagi ma’naviy ma’rifiy tadbirlar bo‘lib o‘tdi. Tadbirda ishtirok etgan bir guruh san’tkorlarimiz, O’zbekiston davlat drama teatri aktrisasi Muhabbat Abdullayeva, O’zbekistonda xizmat ko‘rsatgan artist Abdulxay Karimov, badiiy so‘z ustasi Zokir Ochildiyev, estrada xonandasi Umid Shahobov, estrada xonandasi Gulasal Abdullayeva, O’zbekiston Respublikasi qurolli kuchlari ansambili xonandasi Boburjon Xudoyqulov, shoir Rustam Musurmon, Respublika ma’naviyat va ma’rifat targ‘ibotchisi Obiddin Mahmudovlar eshonguzar mahallasida istiqomat qiluvchi onaxonlarimizning holidan xabar olishib, ularga ehtirom ko‘rsatishdi.
Ular mahalladagi mehnat faxriylari va nuroniy onaxonlar Safiyaxon Madaminova, Olimaxon Shermatova, Muqaddasxon Madaminovalarning xonadonlarda bo‘lishdi. Ularga “Onalarga ehtirom” oyligi doirasida guldastalar va esdalik sovg‘alari hamda Respublika ma’naviyat va ma’rifat targ‘ibotchisi Obiddin Mahmudov tomonidan kitoblar jamlanmasi topshirildi.
Kutilmagan tashrifdan onaxonlarning boshi ko‘kka yetdi. O’zbekistonda xizmat ko‘rsatgan artist Abdulxay Karimov jonli ijroda onaxonlar uchun qo‘shiq kuyladi. Shoir Rustam Musurmon esa o‘zining go‘zal she’rlaridan o‘qib berdi.
Onaxonlar ham o‘z navbatida mehmonlarga minnatdorchilik bildirib, yurtimizga tinchlik omonlik tilab duoga qo‘l ochdilar.