Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
MINI FUTBOL BO’YICHA “DXX KUBOGI” O’YINLARI YAKUNLANDI
2021-05-21 20:20:13 105
Qo’shtepa tumanida mini-futbol bo’yicha 18-30 yosh toifasidagi uyushmagan yoshlar o’rtasida “DXX kubogi”ga start berilib, unda sektorlar kesimida 51ta jamoa ishtirok etdi. Musabaqada jamoalar 8 ta guruhga bo’lingan holda ishtirok etishdi.
Ushbu musobaqaning final bosqichi bugun bo’lib o’tdi. Unda Qiyqi, Qumtepa, Eshonguzar, Kichik Beshkapa, Shodlik, Dehqonobod, Fayz, Qorajiyda mahalla fuqarolar yig’inlari jamoalari bellashdilar.
Musobaqaning 3-4 o’rinlari uchun Dehqonobod va Shodlik MFY jamoalari, 1-2 o’rinlar uchun Kichik Beshkapa va Qumtepa MFY jamoalari bellashishdi.
Musobaqa yakuniga ko’ra Kichik Beshkapa MFY jamoasi g’olib bo’lib, “DXX kubogi”ni qo’lga kiritdi.
Shuningdek, Qumtepa MFY jamoasiga 2-o’rin, Dehqonobod MFY jamoasiga 3-o’rin va Shodlik MFY jamoasiga 4-o’rin nasib etdi.
Final musobaqalarida tuman hokimi I.Novikov va sektor rahbarlari, DXX Marag’ilon shahar bo’limi boshlig’i Sh.Xatamovlar ishtirok etishdi. G’olib jamolarga va turli nominatsiyalar bo’yicha g’olib bo’lgan o’yinchilarga diplom va qimmatbaho esdalik sovg’alari topshirildi.
Qo’shtepa tumani hokimligi Axborot xizmati.
