Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
IJODIY UCHRASHUVLAR DAVOM ETMOQDA
2022-05-31 21:53:14 106
“Yangi O’zbekiston – inson qadri ulug‘langan yurt” shiori ostida bo‘lib o‘tayotgan navbatdagi ijodiy uchrashuv bugun, Eshonguzar mahalla fuqarolar yig‘ini hududidagi 49-umumiy o‘rta ta’lim maktabining hovlisida, ochiq havoda bo‘lib o‘tdi.
Tadbirda el suygan san’atkorlar O’zbekiston davlat drama teatri aktrisasi Muhabbat Abdullayeva, O’zbekistonda xizmat ko‘rsatgan artist Abdulxay Karimov, badiiy so‘z ustasi Zokir Ochildiyev, estrada xonandasi Umid Shahobov, estrada xonandasi Gulasal Abdullayeva, O’zbekiston Respublikasi qurolli kuchlari ansambili xonandasi Boburjon Xudoyqulov, shoir Rustam Musurmon, Respublika ma’naviyat va ma’rifat targ‘ibotchisi Obiddin Mahmudov hamda qo‘shtepalik xushovoz xonandalar ishtirok etishdi.
Bugungi tadbir Eshonguzar mahallasining ahli uchun kutilmagan sovg‘a bo‘ldi desak mubolag‘a bo‘lmaydi. Mahalla ahli mehmon san’atkorlarni iliq qarshi olishdi. San’atga oshufta eshonguzarliklar tadbir davomida ijro etilgan qo‘shiqlardan, hazil-mutoyibalardan hamda shoirlarning she’rlaridan bahramand bo‘ldilar.
Shuningdek, O’zbekiston Respublikasi qurolli kuchlari ansambili xonandasi Boburjon Xudoyqulov barcha onaxonlarni viloyatimizda o‘tkazilayotgan “Onalarga ehtirom” oyligi bilan samimiy qutlab, o‘zining ona haqidagi qo‘shig‘ini ijro etib berdi. Tadbirda ishtirok etayotgan onaxonlar o‘zlariga ko‘rsatilgan ehtiromdan juda mamnun bo‘lishdi.
Bir so‘z bilan aytganda, bugun chiroyli so‘zlar va she’rlar, go‘zal qo‘shiqlarning barchasi ular uchun kuylandi. San’atkorlarning chiqishlari esa barcha ishtirokchilarga ko‘tarinki kayfiyat bag‘ishladi.
