1. Бош сахифа
2. Янгиликлар

ҲАШАР БУ ҲАМЖИҲАТЛИКДИР

×

Қўштепа туманидаги “Нурафшон” маҳалла фуқаролар йиғинининг “Ойимча” қабристонида ободонлаштириш ишлари олиб борилиб, қабристонга ҳашар йўли билан қўшимча бино қурилмоқда.

– “Нурафшон” маҳалласида ўзига хос одат бор – дейди, маҳалла фаоли Шухратжон Орипов. – Маҳалладаги ёшлар нуронийлар билан маслаҳатлашиб ҳар йили маҳаллада ободонлаштириш ишларини олиб боришади. Йилдан-йилга шаклланиб келаётган бу одат хатто ёшлар ўртасида ўзаро рақобатга ҳам айланиб улгурган. Бу ишнинг эътиборли жиҳати шундаки, ташаббускорларнинг аксарият қисмини 30-35 ёшли йигитлар ташкил этади. Маҳалламиз ёшларидаги бу аҳилликни кўриб, ҳашар бирдамлик ва ҳамжиҳатлик эканлигига яна бир карра амин бўлмоқдамиз.

Айни кунларда “Ойимча” қабристонида 20 нафардан зиёд ёшлар қурилиш ишларини олиб бормоқдалар. Қурилиш ҳаражатлари эса ташаббускор ёшларнинг ўз маблағлари ва хомийлик маблағлари ҳисобидан амалга оширилмоқда. 

Бизни ижтимоий тармоқларда кузатинг
Facebook, Telegram