Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
“ЗУККО КИТОБХОНЛАР” БЕЛЛАШУВИ
2021-02-27 22:19:04 256
Қўштепа тумани ахборот-кутубхона марказида Республика Маънавият ва маърифат маркази Қўштепа тумани бўлинмаси билан ҳамкорликда ўзбек шоираси Зулфия Исроилова таваллудининг106 йиллигини нишонлаш ҳамда шоира ҳаёти ва ижодини ўрганиш мақсадида туман умумтаълим мактаблари ўқувчи ёшлари ўртасида “Баҳор келди сени сўроқлаб” мавзусида “Зукко китобхонлар” беллашуви бўлиб ўтди.
Ушбу тадбирда Қўштепа тумани халқ таълими тасарруфидаги 19-мактабнинг “Баҳор куйчиси” ҳамда 20-мактабнинг “Нафосат гулшани” гуруҳлари 5 та шарт бўйича ўзаро беллашдилар.
Беллашув давомида икки гуруҳ қатнашчилари ҳам олдиларига қўйилган шартларни аъло даражада бажардилар. Шунингдек, Зулфия ҳаёти ва ижодига бўлган қизиқишларини ифода этишди. Беллашувда бажарилган шартлар ҳайъат аъзолари томонидан одилона баҳолаб борилди.
Кеча давомида фаол китобхон ўқувчилар томонидан тайёрланган шеър, қўшиқ ва рақслар йиғилганлар эътиборига ҳавола этилди.
Беллашув натижасига кўра 20-мактабнинг “Нафосат гулшани” гуруҳи ғолиб деб топилиб, эсдалик совғалари билан тақдирландилар.
Ушбу кечада кутубхона ходимлари томонидан шоира Зулфия Исроилова ижодига бағишланган “Зулфия садоқат куйчиси” номли китоблар кўргазмаси ҳам ташкил этилди.
Қўштепа тумани ҳокимлиги Ахборот хизмати.