1. Бош сахифа
2. Янгиликлар

ҚЎШТЕПАДА ЁШЛАР ФОРУМИ ЎТКАЗИЛДИ

×

Қўштепа туманидаги маданият марказида туман ҳокимлиги томонидан Ёшлар ишлари агентлиги ва Ўзбекистон Ёшлар иттифоқи туман кенгаши ҳамкорлигида «Ёшлар форуми» ўтказилди.

Ушбу тадбирда сектор раҳбарлари, туман ҳокимининг ўринбосарлари, тегишли идора ва ташкилот раҳбарлари ҳамда ёшлар иштирок этдилар.

Тадбир бошида Ўзбекистон Республикаси Давлат мадҳияси янгради.

Маросимни туман ҳокими И.Новиков кириш сўзи билан очди. У ўз нутқида ушбу форумнинг аҳамияти, юртбошимиз томонидан олиб борилаётган ислоҳотлар қанчалик ўз ифодасини топиб бораётганини таъкидлаб ўтди.

Юртимизда бўлгани каби, айни кунларда Қўштепа туманида аҳолининг кам таъминланган, ёрдамга муҳтож, эҳтиёжманд қатлами, беморлар ва ногиронлиги бўлган шахсларни моддий-қўллаб қувватлаш мақсадида хайрия тадбирлари  амалга оширилмоқда. Ушбу анъана форум доирасида ҳам давом эттирилиб, умумтаълим мактабларининг 21 нафар ўқувчиларига туман ҳокими ва сектор раҳбарлари иштирокида совға-саломлар топширилди.

Шунингдек, форум доирасида И.Новиков иштирокида “Ҳоким ва ёшлар” учрашуви ҳам бўлиб ўтди. Учрашуда ёшлар ўзларини қизиқтирган саволлар билан туман ҳокимига мурожаат қилиб, тегишлича жавоб олдилар.

Тадбир давомида туман Маданият маркази ходимлари ва истеъдодли ёшлар иштирокида концерт дастури намойиш этилди.

Қўштепа тумани ҳокимлиги Ахборот хизмати.