1. Бош сахифа
2. Янгиликлар

МУАММОЛАРНИ ҲАЛ ЭТИШ ЧОРАЛАРИ КЎРИЛДИ

×

      Бугун Қўштепа тумани ҳокими И.Новиковнинг навбатдаги фуқаролар қабули ўтказилди. Ушбу қабул Ўзбекистон Республикаси Президентининг тумандаги Халқ қабулхонасида бўлиб ўтди.

         Унда ҳоким ўринбосарлари, туман Халқ қабулхонаси мудири Р.Абдуллаев ҳамда алоқадор идора ва ташкилотлар раҳбарлари иштирок этдилар.

         Қабулда ҳоким фуқаролар билан юзма-юз суҳбатлашиб, мурожаатларини бирма-бир тинглади. Улар қўйган муаммолар бўйича ҳоким ўринбосарлари ва бошқа тегишли ташкилотлар мутасаддилари иштирокида зарур чоралар кўрилди.

      Туман ҳокими 30 нафарга яқин фуқаронинг сув ва электр таъминоти, уй-жой, моддий ёрдам, банк, соғлиқни сақлаш, бандлик, тадбиркорлик ва бошқа масалаларга оид мурожаатларини диққат билан эшитиб, уларни ўз ўрнида, қўшимча ўрганиш талаб этадиган муаммоларни эса қисқа фурсатда ҳал этиш чораларини кўрди. Айрим мурожаатларда кўрсатилган масалаларни ҳал этиш юзасидан туман ҳокими томонидан тегишли мутасаддиларга аниқ топшириқ ва кўрсатмалар берилди.

  Қўштепа тумани ҳокимлиги Ахборот хизмати.