1. Bosh sahifa
2. Yangiliklar

XOTIN-QIZLAR BILAN OCHIQ MULOQOT O‘TKAZILDI

×

Bugun Yo‘ldoshobod mahallasidagi Muhabbatxon Xaydarovlarning xonadonida Qo‘shtepa tumani hokimi o‘rinbosari – oila va xotin-qizlar bo‘limi boshlig‘i Maryamxon Yuldasheva ishtirokida keng jamoatchilik vakillari va mahalladagi xotin-qizlar bilan ochiq muloqot– sayyor uchrashuv tashkil etildi.

Tadbirda “Temir daftar”, “Ayollar daftari” va “Yoshlar daftari”ga kiritilgan xotin-qizlar bandligini ta’minlash, ularning daromad manbaini yaratish bo‘yicha olib borilayotgan ishlar to‘g‘risida batafsil ma’lumot berildi.

Muloqot davomida  ijtimoiy himoyaga muhtoj xotin-qizlarni qo‘llab- quvvatlash,  doimiy ish bilan ta’minlash hamda oilaviy daromad manbaiga ega bo‘lishlariga ko‘maklashish borasidagi takliflar bildirildi.

Shuningdek, ishtirokchilarni qiziqtirgan barcha savollarga Qo‘shtepa tumani hokimi o‘rinbosari – oila va xotin-qizlar bo‘limi boshlig‘i Maryamxon Yuldasheva tomonidan batafsil javob berildi.  

Ushbu tadbir mahalla ayollarining sumalak sayliga va o‘yin-kulgulariga ulanib ketdi.

Bizni ijtimoiy tarmoqlarda kuzating
Facebook, Telegram