Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
TUMAN HOKIMI ONALARGA EHTIROM KO‘RSATMOQDA
2022-05-27 17:26:46 88
Farg‘ona viloyati hokimi Xayrullo Bozorovning tashabbusi bilan bu yil viloyatimizda ikkinchi marta “Onalarga ehtirom” festivali o‘tkazilmoqda. Bir necha kundir ushbu tadbirlar Qo‘shtepa tumanida ham keng nishonlanmoqda.
“Onalarga ehtirom” festivali doirasida tumanimizdagi barcha korxona va tashkilotlarda, ta’lim muassasalarida turli ma’naviy-ma’rifiy tadbirlar, ko‘rik tanlovlar tashkillanmoqda. Shuningdek, festival doirasidagi tadbirlar mavjud mahalla fuqarolar yig‘inlarida ham zo‘r uyushqoqlik bilan o‘tkazilmoqda.
“Onalarga ehtirom” festivali doirasida tuman hokimi I.Novikov va sektor rahbarlari tomonidan yurtimiz ravnaqi yo‘lida samarali va fidokorona mehnat qilgan va qilayotgan onaxonlarga, opa-singillarga ehtirom ko‘rsatilmoqda.
Bugun tuman hokimi I.Novikov va DXX Marg‘ilon shahar bo‘limi boshlig‘i Sh.Xatamovlar joylarda bo‘lib, davlat va jamoat ishlarida ko‘p yil samarali mehnat qilib, hozirda keksalik gashtini surayotgan bir guruh onaxonlarni manzilli yo‘qlab, ularga samimiy izzat-ikrom ko‘rsatishdi.
