Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
DO‘RMON MAHALLASIDA YANGI KO‘PRIK FOYDALANISHGA TOPSHIRILDI
2022-05-19 22:09:24 96
Qo‘shtepa tumanida aholi muammolarini ijobiy hal etish borasida tizimli ishlar amalga oshirib kelinmoqda. Jumladan, bugun Do‘rmon mahalla fuqarolar yig‘ini aholisi uchun yana bir qulaylik yaratish maqsadida “Katta Farg‘ona kanali”ning ushbu hududidan o‘tuvchi qismida yangidan zamonaviy ko‘rinishda qurib bitkazilgan ko‘prikning ochilish marosimi bo‘lib o‘tdi.
Tadbirda tuman hokimi I.Novikov va sektor rahbarlari, DXX Marg‘ilon shahar bo‘limi boshlig‘i Sh.Xatamov hamda do‘rmonliklar ishtirok etishdi. Tadbirni tuman hokimi ochib, Davlatimiz rahbari tomonidan hududlarda yillar davomida to‘planib qolgan ijtimoiy muammolarni hal etishda yaratib berilayotgan keng imkoniyatlarni takidlab, ushbu zamonaviy ko‘prikni ochilishi bilan hudud aholisini tabrikladi.
Do‘rmon mahalla fuqarolar yig‘ini hududidan o‘tgan 4K 913 “Do‘rmon-Dehqonobod-Toshkent-O’sh” avtomobil yo‘lining PK 0+100 da joylashgan ushbu ko‘prik “Farg‘ona UFK” MChJ tomonidan 3.4 milliard so‘mga rekonstruktsiya qilindi.
