Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
JINOYAT MUHOKAMASI O‘TKAZILDI
2022-05-17 16:56:20 134
Qo‘shtepa tumani Eshonguzar mahallasida joriy yil 11 may kuni sodir etilgan qotillik jinoyati Farg‘ona viloyati prokurori B.Ismolov, viloyat IIB boshlig‘i M.Jo‘rayev va keng jamoatchilik ishtirokida muhokama qilindi.
Bo‘lib o‘tgan muhokama tuman hokimi I.Novikov va sektor rahbarlari, huquqni muhofaza qiluvchi organ xodimlari, Eshonguzar mahalla fuqarolar yig‘inining mas’ullari hamda mahalla faollari ishtirokida o‘tkazildi.
Tadbirda jinoyatni keltirib chiqargan sabab va omillar tilga olinib, kelgusida shunga o‘xshash holatlarning sodir etilishini oldini olish, bu borada mahalla va tegishli tashkilot vakillari hushyorligini oshirish lozimligi aytib o‘tildi.
Shuningdek, aholi o‘rtasida huquqbuzarliklarga murosasizlik munosabatini, jismonan va ma’nan sog‘lom turmush tarzini shakllantirish, ularni qonunlarga itoat ruhida tarbiyalash, huquqbuzarlik va jinoyatlar sodir etilishini oldini olish maqsadida tegishli chora-tadbirlar belgilab olindi.
