Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
#ONALARGA_EHTIROM
2022-05-16 16:11:36 89
Dunyodagi eng muqaddas zot hisoblangan onalarga ehtirom va hurmat ko‘rsatish, e’zozlash maqsadida o‘tkazilayotgan “Onalarga ehtirom” festivali doirasidagi bugungi tadbir Qo‘shtepa tumanidagi Xo‘jaqishloq mahalla fuqarolar yig‘inida yashovchi bir necha yil “Sallox” fermer xo‘jaligida rahbarlik qilgan, mehnat faxriysi Olimaxon aya Oxunovaning xonadonida bo‘lib o‘tdi.
“Onajonim sizga ehtirom!” deb nomlangan tadbirda tuman hokimi Ilyosbek Novikov, Respublika Ma’naviyat va ma’rifat markazi tuman bo‘linmasi rahbari Dostonbek G’aniyev, Respublika Ma’naviyat va ma’rifat markazi tuman bo‘linmasi “Ma’rifat targ‘ibotchilar jamiyati a’zosi” Davlatxon Yusupova shuningdek, mahalla faollari hamda o‘quvchi yoshlar, maktabgacha ta’lim muassasasining tarbiyalanuvchilari ishtirok etdilar.
Tadbirni tuman hokimi Ilyosbek Novikov ochib, barcha ishtirokchilarni Farg‘ona viloyati hokimi Hayrullo Bozarovning tashabbusi bilan bu yil ikkinchi marotaba o‘tkazilayotgan “Onalarga ehtirom” festivali bilan muborakbod etdi. Umrini mehnatda o‘tkazgan, yurtimiz ravnaqi yo‘lida samarali va fidokorona mehnat qilgan, ayni kunlarda farzandlar va nevara- chevaralar ardog‘ida qarilik gashtini surib yashayotgan Olimaxon Oxunovani samimiy qutlab, unga tashakkurnoma va esdalik sovg‘alarini topshirdi.
Bugun barcha ezgu tilaklar, dildagi eng shirin so‘zlar onajonlarimiz uchun aytildi. Olimaxon aya Oxunovaga esa alohida hurmat va ehtirom ko‘rsatildi. Fayzli xonadonga jam bo‘lgan farzandlar onajoniga guldasta tutqazar ekanlar, to‘lqinlanib, xayajon ila dil izxorlarini ham aytdilar.
Maktabgacha ta’lim tashkiloti tarbiyalanuvchilari onajonlarni madh etuvchi qo‘shiqlar kuylab, o‘zlari sevgan raqslarini ijro etishdi. Tadbir doirasida maktab o‘quvchilari ishtirokida uch avlod uchrashuvi ham bo‘lib o‘tdi. Olimaxon Oxunova yoshlarga bosib o‘tgan mazmunli hayot yo‘llari haqida so‘zlab berdi. Samimiy e’tirof, alohida e’tibor, bayramona yo‘qlov uchun minnatdorchilik bildirib, yurt tinchligi va farovonligini tilab duoga qo‘l ochdi.
Qo‘shtepa tumani hokimligi Axborot xizmati.
