Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
SAYOHAT BARCHA O’QUVCHILARGA MANZUR BO’LDI
2021-12-20 13:17:42 108
Xalq ta’lim vazirligi tomonidan umumiy o‘rta ta’lim maktablari o‘quvchilarining zamonaviy kasb-hunar egallashlari uchun sharoitlar yaratish hamda qo‘llab-quvvatlash, malakali kadrlar tayyorlash, kasbining o‘z ustasi bo‘lib ulg‘ayishlari uchun sifatli ta’lim olishlari hamda ularni kasb-hunarga yo‘naltirish bo‘yicha ko‘plab ishlar amalga oshirilmoqda.
O’quvchilarni kasb-hunarlarga yo‘naltirish maqsadida viloyatimizdagi yirik ishlab chiqarish korxonalari, nufuzli tashkilotlar, hunarmandchilik markazlari va tarixiy muzeylarga sayohatlar uyushtirib kelinmoqda.
Qo‘shtepa tumanidagi 7-12 umumiy o‘rta ta’lim maktabining yuqori sinf o‘quvchilari ustozlari bilan Marg‘ilon shahridagi “Hunarmandlar markazi”da faoliyat olib borayotgan “Ismoiljon gilamlari” to‘qimachilik markaziga sayohat borishdi.
Sayohatda o‘quvchilar ipakchilik san’ati sir-asrorlari bilan yaqindan tanishdilar.
O’quvchilar o‘zlari qiziqtirgan savollarga soha mutaxassislaridan javoblar oldilar.
Ushbu sayohat barcha o‘quvchilarda katta taassurot qoldirdi.
