1. Бош сахифа
2. Янгиликлар

САЁҲАТ БАРЧА ЎҚУВЧИЛАРГА МАНЗУР БЎЛДИ

×

Халқ таълим вазирлиги томонидан умумий ўрта таълим мактаблари ўқувчиларининг замонавий касб-ҳунар эгаллашлари учун шароитлар яратиш ҳамда қўллаб-қувватлаш, малакали кадрлар тайёрлаш, касбининг ўз устаси бўлиб улғайишлари учун сифатли таълим олишлари ҳамда уларни касб-ҳунарга йўналтириш бўйича кўплаб ишлар амалга оширилмоқда.

Ўқувчиларни касб-ҳунарларга йўналтириш мақсадида вилоятимиздаги йирик ишлаб чиқариш корхоналари, нуфузли ташкилотлар, ҳунармандчилик марказлари ва тарихий музейларга саёҳатлар уюштириб келинмоқда.  

Қўштепа туманидаги 7-12 умумий ўрта таълим мактабининг юқори синф ўқувчилари устозлари билан Марғилон шаҳридаги “Ҳунармандлар маркази”да фаолият олиб бораётган “Исмоилжон гиламлари” тўқимачилик марказига саёҳат боришди.

Саёҳатда ўқувчилар ипакчилик санъати сир-асрорлари билан яқиндан танишдилар.

Ўқувчилар ўзлари қизиқтирган саволларга соҳа мутахассисларидан жавоблар олдилар.

Ушбу саёҳат барча ўқувчиларда катта таассурот қолдирди. 

Бизни ижтимоий тармоқларда кузатинг
Facebook, Telegram