Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
QO’SHTEPADA YANA BITTA OILAVIY BOLALAR UYI OCHILDI
2021-11-26 18:22:13 137
Sohibkor mahalla fuqarolar yig‘ini, Isfayramsoy ko‘chasi, 74-uyda yashovchi Soxibaxon Aminova va uning turmush o‘rtog‘i savobli ishga qo‘l urdi. Ular Marg‘ilon shahridagi Mehribonlik uyidan 5 nafar qizlarni o‘z tarbiyasiga olib, Oilaviy bolalar uyi faoliyatini yo‘lga qo‘ydi.
Oilaviy bolalar uyi ochilish marosimida Farg‘ona viloyat Milliy gvardiya boshqarmasi, viloyat va tuman hokimligi hamda boshqa mas’ul tashkilotlar mutasaddi rahbarlari ishtirok etdi.
Tadbir ishtirokchilari xonadon egalariga boshlagan ushbu oliyjanob ishlariga muvaffaqiyat tilagan holda, doimo ko‘makdosh bo‘lishlariga hamda oila a’zosiga aylangan ushbu qizlarning ma’naviyatli va vatanparvar bo‘lib kamol topishlariga ishonch bildirdi.
Xonadon sohiblariga viloyat hokimining esdalik sovg‘alari, qizlarga kompyuter jamlanmalari va turli sovg‘alar berildi.