Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
27 IYUN – MATBUOT VA OMMAVIY AXBOROT VOSITALARI XODIMLARI KUNI
2021-06-26 19:58:32 89
Bugun mamlakatimiz, jamiyatimiz hayotida ommaviy axborot vositalari qanday o’ringa egaligi haqida ortiqcha ta'riflar berishga hojat yo’q, deb o’ylayman. Sababi hammamiz ko’rib, guvoh bo’lib turibmiz – ayni chog’da hayotimizni ommaviy axborot vositalarisiz, bu – gazeta-jurnal, televideniye-radio, internet-sayt va ijtimoiy tarmoqlar bo’ladimi, ularsiz tasavvur qilolmaymiz.
Har bir kishi kunni ana shu vositalardagi xabar va yangiliklarni o’qish bilan boshlab, shu bilan yakunlaydi. Bir zum axborot ololmay qolsak, go’yoki dunyodan uzilib qolgandek bo’lamiz. Aslida ham bugungi shiddatkor davr, zamon taraqqiyoti ommaviy axborot vositalariga hayotimizning ajralmas bir bo’lagi sifatida qarashni taqozo etmoqda. Va amalda ham shunday bo’lyapti, desak xato qilmagan bo’lamiz.
27 iyun – Matbuot va ommaviy axborot vositalari xodimlari kuni munosabati bilan o’tkazilgan tadbirda Qo’shtepa tumani hokimi I.Novikov soha vakillari “Istiqbol yo’li gazetasi” tahririyati xodimlari, tuman hokimligi Axborot xizmati va faxriy jurnalistlarni kasb bayramlari bilan samimiy tabrikladi.
Tuman rahbari Muhtaram Prezidentimiz tomonidan ommaviy axborot vositalari faoliyatini rivojlantirish, jurnalistlar mehnatini rag’batlantirish borasida keng ko’lamli ishlar amalga oshirilayotganligi haqida to’xtalib o’tdi.
I.Novikov bayram munosabati bilan soha xodimlarini va tumanimizdagi faxriy jurnalistlarni samimiy muborakbod etib, ularga tuman hokimligining esdalik sovg’alarini topshirdi.
Qo’shtepa tumani hokimligi Axborot xizmati.
